炑八韓烤 (蝴蝶廣場) (Closed)

我呢個鍾意食肉嘅港女又再食肉喇😂聽人講呢間幾好食，真係冇介紹錯，超有水準! 我決定帶個套餐乜都試暈晒，真係樣樣都好好食。佢個特級牛肋骨啲肉超級嫩，同埋真係好揼本，超級大塊牛，拉極都拉唔晒。佢個牛舌好出色，好大塊同埋好厚，食落去好香口，而且好彈牙，質素夠高嘅牛先至會有呢一個感覺。同埋我要再強調多一次，佢真係好大塊，隻碗都擺唔落成塊肉。食咗咁多肉之後，就食下小小蔬菜類，估唔到佢嘅菇都好好食，燒完之後好香口，點下佢個汁就最Perfect。