Gastrobox The Union (Closed)

Lunch 同事推介呢間，如果唔係同事帶路，真係唔知呢度有間餐廳，黑色玻璃幕牆，完全唔會畀岀邊見到！一入去已經幾中意個環境，鋪頭唔大，環境較靜，柗都擺得疏落，坐得好舒服！Lunch set 選擇唔算多，價錢lunch 黎講都算貴，但西區食嘢本身都唔平，所以都算平均價！Set包埋牛油多士，湯同嘢飲，daily soup 係南瓜湯，小編至愛，呢度嘅南瓜湯唔算濃，小小南瓜味，唔係creamy 果種，但清清的，都算好飲！雞卷，用煙肉卷住d雞肉焗，本身雞已經有調味，再加煙肉同sauce, 味道幾夾，有小小煙燻味！雞卷好大條，女仔好大機會食唔晒，男仔應該都會幾飽！New Zealand Beef Rib Eye Steak, 正正常常咁，但就無雞卷咁大舊！總括黎講，嘢食係ok嘅，價錢lunch 黎講偏高小小，但間唔時食一餐可以接受！