Shoreditch (Closed)

Shoreditch @shoreditch.hk📍西環堅尼地城吉席街18號地舖.呢間餐廳Shoreditch 係位於西環堅尼地城英國菜餐廳，最近佢哋推出咗全新menu，當中有招牌菜式——牛腱肉牛骨髓批；餐廳行工業風，環境夠開揚，嚟食brunch/晚餐都好有氣氛～.🥧 牛腱肉牛骨髓批 $238: 呢個批製作時間需時2日，賣相超吸引，批外皮嘅酥皮香脆，打開外皮後係熱辣辣嘅牛肉香，伴有蘑菇，牛腱肉夠軟嫩，牛肉亦吸收左紅酒汁，中間放有大大舊牛骨髓帶濃厚脂香，層次感好豐富～🥩 酥脆百里香番荽焗薩福克羊扒 $298: 用上嚟自英國薩福克地區嘅羊隻，羊肉味香濃，肉質夠嫩，但唔會覺得好羶，羊肉面鋪上香草焗成脆皮外層，伴上珍珠大麥同烤時蔬，加入番茄，味道帶微酸，幾開胃～🐟 脆炸魚柳條他他醬 $98: 魚柳條即叫即炸熱辣辣，好似手指咁長好得意，外層炸至金黃香脆，內𥚃嘅魚柳夠嫩滑～🥗 烤牛舌沙律 $128: 沙律菜伴入芥末醬，仲有4塊厚切牛舌，口感爽彈，厚肉多汁～🍫 朱古力心太軟 $108: 朱古力心大軟蛋糕加入橙皮，增加層次感，朱古力味夠濃郁，仲有流心效果，配埋雲呢拿雪糕食，冰火交融，擺盤加埋berri