Lex Coffee (Closed)

今晚去咗堅尼地城食晚飯。西營盤越嚟越多好野食，而我就比較鐘意Lex Coffee 依間高雅嘅餐廳。食物、甜品好食不特止，飲品選擇都好豐富。今晚就食咗以下美食：慢煮西班牙八爪魚先點咗個小食當前菜品嘗。真係唔知八爪魚都可以用慢煮嘅方法處理，食落都幾好味。再加埋脆脆嘅法包片，用佢嚟當前菜，果然無揀錯。招牌安格斯高級肉眼牛扒（10盎士）首先想講嘅係10盎士份量剛剛好，唔會太多食到滯，又唔會太少覺得唔夠喉。依份肉眼扒超好食，叫咗5成熟，肉嫩味香。廚司簡單地灑上鹽，唔使任何花巧調味，再加埋配菜嘅薯仔、蒜頭、沙律菜同蕎頭仔，CP值爆曬錶。龍蝦意大利飯我次次食risotto，食到尾好多時都覺得好滯好膩，今日食依個龍蝦意大利飯完全無依個感覺。risotto好味，龍蝦更正。龍蝦肉爽彈、仲有隻拆哂用嘅大鉗添。以為食完？反轉個龍蝦頭，仲有好多蝦膏。正到爆。冰搖玫瑰茶點依杯飲品嘅時候，問咗店員會唔會另加咗糖，店員回覆指依款飲品係用咗玫瑰蜜。咁嘅話當然係最好唔好減其甜度啦。嚟到發現，唔係我好驚嘅超甜味，甜度適中，而且好好玫瑰味，簡單得嚟又好飲。