阿元來了 (北街)

Open Now

Now Closed

好耐冇食阿元喇，自從佢由西營盤搬左去西環，都冇特登去幫襯。今日約左中學同學食lunch，難得佢唔嫌遠，於是走去食個魯肉飯先。魯肉飯$32- 以前食滷肉飯都係二十幾蚊，估唔到又加咗價。保持到食物嘅水平，阿元來了嘅滷肉飯偏肥，要保持身材苗條嘅話就唔好叫喇。滷肉油香豐富，米飯粒粒分明有油香，細細碗都好飽肚。每一次都要嗌碗滷肉飯先會滿足。台灣香腸$30- 香腸相對地普通左一啲，油份偏多，冇烤到香脆嘅口感，而且我唔習慣食咁大片生蒜，下一次可能唔會再叫。秘製蒜泥白肉$40- 蒜泥白肉有驚喜！菜式上枱嘅時候暖暖哋，豬肉片好軟滑，蒜蓉香味充斥着口腔每個部份，而且份量都唔少，同朋友一齊share就啱啱好，推介！九份芋圓含淡奶(温)$32- 芋圓同其他食物一齊同時間上枱，我哋食晒其他嘢先食甜品，所以芋圓都攤凍左，芋圓口感煙韌，但芋頭味道唔重，淡奶加咗落去糖水之後，口感再滑一啲。