牛一 (樂道) (Moved) New Location

秋風起，又到咗十下十下嘅季節....見到牛一個lunch咁抵食，唔試吓真係對唔住自己。入到去， 先去櫃檯點餐，然後上去開餐。六十分鐘雖然有啲趕，不過價錢真係好吸引！相信除左香港，六十分鐘火鍋好難出現。我諗法國人見到一定O晒嘴，六十分鐘應該連主菜都未食到。係六十分鐘內食一個令人滿意嘅火鍋，一定要有周長嘅策略同瞭解對方嘅隊友。就好似打雙打咁，唔使講，就知對方想點。狼仔同豬女今次就絕對勝利！隊友需要分頭行事，你羅菜我羅肉，再分頭羅飲品加雪糕，唔使五分鐘，已經攞晒所有想食嘅野食。六十分鐘火鍋仲可以訓練你既一心多用，一邊食雪糕一邊等啲野熟，仲要諗之後羅啲咩，再計住時間。牛一嘅丸類都幾多選擇- 幾款魚蛋，墨丸，兩款腸仔等，菜都都有好多款 - 油墨菜，唐生菜，西蘭花，津白等，另外仲有金菇，芽菜，年糕，木耳，粟米，南瓜，羅白...麵都有多過五款- 拉麵，素麵，蕎麥麵，烏冬，連螺絲粉都有！真係好豐富。雖然係最平嘅牛，但質素一D都唔差。脂肪平均，唔會過肥。我地總共食左五杯，真係好好味！勁多配料俾你揀。推介原味乳酪！時間上的確有點趕，不過真係超滿意！$150兩位炸!!