軟飯王 (Closed)

其實之前黎過木頭車既軟飯王兩次，但每次都買唔到，因為次次都要等成個鐘以上以前睇過蘋果既訪問，知道以前佢地都有開舖，之後再小本經營，係木頭車開舖，老闆對自己既品質好堅持，就算幾多ORDER都好，點都要一個一個ORDER咁炒，咁先至好食，好欣賞佢地突然有一次知道自己會經過元朗，又想起上次去軟飯王時見可以打電話落單，所以今次醒目啦! 一個鐘前打定電話先。注意 : 雖然OPENRICE寫營業時間係下午6點，其實佢地下午5點開始接ORDER。同埋唔係星期一至日都開工架，係不定期休息。上佢地FB睇就有最近公佈啦! (上網search "軟飯王FB", 就會搵到)電話落單，老闆娘會話你知幾時READY，上次我地都幾準時架!我地點左最出名既椒鹽豬扒炒飯，炒飯粒粒分明，好香 ! 唔多油。豬扒無筋，仲切好細細件，好細心。值得推介。 軟飯王位於木頭車內一間小店軟飯王舖仔細細，只有老闆及老婆幫手