二家姐正宗原味麻辣火鍋

Open Now

Now Closed

佐敦文英街一直都好多嘢食，有串燒、有點心，但係我特別鍾情其中一間火鍋店，就係二家姐。-而家二家姐喺同一條街已經開咗第二間分店，仲可以有獨立房間， 有時要搵獨立房嘅火鍋店真係好難搵，二家姐係一個唔錯既選擇! 講返野食先，主打嘅麻辣火鍋湯底就同出面好唔同，第一佢係主張堅持無味精、冇老油，即係絕唔會返用，亦都唔會預先泡製湯包到港。可以咁講，出面我食過唔少嘅麻辣火鍋店，佢嘅湯底食完真係會好口渴，因為真係落咗唔少味精、添加劑。當然老闆想大家食得健康，個湯底係要作少少犧牲平衡，係無出面既食得咁過癮、咁刺激。食材方面都好唔錯好新鮮! 其實二家姐最有賣點嘅除咗喺火鍋湯底之外，仲有佢嘅活魚刺身，今次老板推介左我地食立魚刺身，除咗刺身講求新鮮之餘，佢嘅賣相都好有誠意。首先佢用金箔鋪喺刺身面， 然後再用「孔雀開屏」將炸過既魚骨盛起，食落真係好脆口!瀨尿蝦墨魚滑真係好少有，佢將手打墨魚釀入新鮮瀨尿蝦，口感好爽口好特別。而鬼馬油炸鬼就即叫即炸，就咁食都好脆好新鮮。另外必試素腰花亦都好有驚喜，冇諗過豆製品都可以造到咁彈牙，仲聽到隔離枱要encall😝-●驚喜菜式: 金箔立魚刺身(一味二食) 聖子皇 素腰花 瀨尿蝦