Read full review
2019-09-06
49 views
今日行旺角見到呢間叫爆汗串串個名咁搞笑,另一半又話想食辣野~見入面咁多人應該都唔會伏,於是就入去試一試~串串以放題形式任食,我地黃金時段入座,連小食都可以任食,加$30有埋飲品任飲,有汽水啤酒,仲有豆漿同涼茶,食辣野唔飲野好唔過癮,所以呢$30一定要加啦!好肚餓拿拿聲ORDER左D小食先,食住等串串~款式有棒棒雞、蓮藕片、千層肚、鐘水餃等等,仲可以叫飯同麵,我地就叫左成都豬腸麵同爆汗牛肉麵。小食好快黎到,棒棒雞有麻醬撈勻,仲有D青瓜絲,凍食幾fresh~另外我都好鍾意鐘水餃,細細粒幾好咬口,蓮藕片辣得黎爽口,都係唔錯既小食。爆汗牛肉麵我叫左豬骨湯,即係唔辣既,味就清淡D,但麵質唔題,牛肉細粒D但都有肉味,唔錯。成都豬腸麵個湯底紅噹噹,個麵配呢個湯底真係另一番味道!重口味既建議叫番呢款辣味既!之後串串就登場~店員俾左一鍋麻辣湯底我地先,然後將熟左既串串擺入去~成堆串串一次過黎個賣相都幾過癮~我地叫左好多丸,貢丸花枝丸牛筋丸浸左落D湯底度都幾好食,但D索汁既食材,好似西蘭花、土豆、火腿金菇索哂D湯汁真係仲正!最後食埋個冰粉解辣,第一次食冰粉,甜甜地滑溜溜~好食!其實我本身唔係好食辣,但呢度
串串以放題形式任食,我地黃金時段入座,連小食都可以任食,加$30有埋飲品任飲,有汽水啤酒,仲有豆漿同涼茶,食辣野唔飲野好唔過癮,所以呢$30一定要加啦!
好肚餓拿拿聲ORDER左D小食先,食住等串串~款式有棒棒雞、蓮藕片、千層肚、鐘水餃等等,仲可以叫飯同麵,我地就叫左成都豬腸麵同爆汗牛肉麵。
小食好快黎到,棒棒雞有麻醬撈勻,仲有D青瓜絲,凍食幾fresh~另外我都好鍾意鐘水餃,細細粒幾好咬口,蓮藕片辣得黎爽口,都係唔錯既小食。爆汗牛肉麵我叫左豬骨湯,即係唔辣既,味就清淡D,但麵質唔題,牛肉細粒D但都有肉味,唔錯。成都豬腸麵個湯底紅噹噹,個麵配呢個湯底真係另一番味道!重口味既建議叫番呢款辣味既!
之後串串就登場~店員俾左一鍋麻辣湯底我地先,然後將熟左既串串擺入去~成堆串串一次過黎個賣相都幾過癮~我地叫左好多丸,貢丸花枝丸牛筋丸浸左落D湯底度都幾好食,但D索汁既食材,好似西蘭花、土豆、火腿金菇索哂D湯汁真係仲正!
最後食埋個冰粉解辣,第一次食冰粉,甜甜地滑溜溜~好食!
其實我本身唔係好食辣,但呢度既湯底偏麻多於辣,所以我完全接受到,仲好享受果種係口唇同口腥入面麻既感覺同埋堅會食到爆汗~大家預備定紙巾~
Post