Video
Read full review
2011-06-16
2 views
成日去Starbucks，連鎖式Cafe去得多，都要幫襯下Starbucks以外的Cafe嘅，我知有好多小店都幾有特式，只係我多數想去之時腳步又去翻Starbucks啫！搵咗個星期日睇過早場後突登過海去試吓呢間位於灣仔的＜Ginger Bakery＞，揀佢係因為早前睇過雜誌報章介紹過，比我見到件"甘筍合桃蛋糕"覺得好吸引喎，因為我鍾意食甘筍同合桃，又未試過呢個經典美式Cake，所以就想一試囉。糕餅應該係呢到主打，從大門進入已經見到超過８款 cut cake 係廚窗，而係Counter旁又有曲奇、麵包同Scone選擇，店子不大，冇記錯好似只有５張枱，裝修好有家庭小品式風格夠簡潔，很舒服。因為去當天係星期日，所以並沒有套餐供應，只可散叫嘅我就揀咗 American Coffee($22)、甘筍合桃蛋糕($28)，諗咗陣後又揀多件放係Counter旁的燕麥Scone($15)朋友仔就揀咗 American Coffee($22)、蜜桃長通粉沙律($38)，合共＄１２５。Cut cake 唔算大件，放係碟上更覺好細件添，好彩點選的都係好食，最後都覺抵嘅。感覺呢間野對各食物飲品方面都幾有誠意，如
搵咗個星期日睇過早場後突登過海去試吓呢間位於灣仔的＜Ginger Bakery＞，揀佢係因為早前睇過雜誌報章介紹過，比我見到件"甘筍合桃蛋糕"覺得好吸引喎，因為我鍾意食甘筍同合桃，又未試過呢個經典美式Cake，所以就想一試囉。
糕餅應該係呢到主打，從大門進入已經見到超過８款 cut cake 係廚窗，而係Counter旁又有曲奇、麵包同Scone選擇，店子不大，冇記錯好似只有５張枱，裝修好有家庭小品式風格夠簡潔，很舒服。
因為去當天係星期日，所以並沒有套餐供應，只可散叫嘅我就揀咗 American Coffee($22)、甘筍合桃蛋糕($28)，諗咗陣後又揀多件放係Counter旁的燕麥Scone($15)
朋友仔就揀咗 American Coffee($22)、蜜桃長通粉沙律($38)，合共＄１２５。
Cut cake 唔算大件，放係碟上更覺好細件添，好彩點選的都係好食，最後都覺抵嘅。
感覺呢間野對各食物飲品方面都幾有誠意，如果有機會去灣仔都會想再幫襯，因為都有幾款Cake想試吓啫。
＜甘筍合桃蛋糕 ($28)＞雖然對呢件Cake有興趣啫，明知美式Cake都係好甜嘅，都想知道佢係用乜野材料製成和會唔會太甜呢？所以事先都上網查過係點整囉，得知原始的製作應該係好甜偏膩的
但呢間可能想迎合香港人的口味吧？係最頂層軟綿綿的忌廉芝士伴淡忌廉帶有的小小芝士鹹味又唔算好甜喎，再配合金筍絲、合桃碎、果仁、提子乾、黃糖和蛋造成鬆化糕身有少少濕潤，食哂都唔覺膩，好味。
＜燕麥Scone($15)＞平時係Starbucks食嘅藍莓Scone都會覺得乾乾地，呢到的燕麥Scone又唔會喎，雖然都係幾脆身，但又唔覺得乾，更食到一粒粒小小的燕麥添，只係本人唔鍾意提子乾，所以覺得甜咗ＤＤ，但總算唔錯幾好食。
＜蜜桃長通粉沙律($38)＞見店員拎埋來時都覺得呢碗沙律偏貴，食落好彩佢Ｄ通粉夠爽，蜜桃份量十足，雖然本身唔鍾意食沙律醬，不過都覺得呢個好食，比Starbcuks IFC果個＜Orecchiette Arrabbiata Salad $36＞更好食。
＜American Coffee($22)＞聽講呢到的Coffee bean 選用 100% Arabica 有機豆，係本地新鮮烘焙喎，我揀最普通的American Coffee試吓，都唔錯，但我會想飲Starbucks果杯多Ｄ喇。
Post
