霸嗎拉麵 (Closed)

座位設計同一般拉麵店一樣，唔算好闊落但係都可以接受。見Menu有雞肉拉麵幾特別因為唔係間間有，不過最後都係決定叫返最傳統穩陣的濃厚豬骨豚肉玉子拉麵🍜一開頭聽落以為同普通嘅豬骨湯底豚肉拉麵差唔多，所以本來冇乜太大期望，但係原來食落去都幾大分別。首先我覺得值得讚嘅係嗰塊豚肉，雖然唔算好大塊，但係因為都幾厚切，所以都OK，唔似得有d拉麵店塊肉好細塊。塊肉都OK，食落去半肥胖瘦。個湯唔知點解會有一種好似炭燒嘅味，可能因為塊豚肉炭燒過，所以個湯底飲落去都幾特別。麵底都算彈牙，不過偏硬。