風雲丸 (Closed)

我隔離個同事啱啱喺東京返嚟，講到食過嘅沾面「如何如何，長江黃河」咁好味，仲話下次要推介我一定去食，我就話要食沾面使鬼去到東京咁遠咩，喺灣仔298商場隔離嗰間極度日本風情畫嘅風雲丸一樣正!我叫咗碗石燒辛辣豚骨魚街沾面，一擺上台「哇！」熱氣沖天，成個畫面仲靚過Menu上面幅圖，食沾面來講最緊要梗係個湯，最出名嗰間三田得個咸字，呢間嘅湯係濃、香、辣三種味水乳交融，最重點當然塊臀肉，棉胎咁厚，仲入口即溶，仲有一個最大賣點，就係面大同加大都係免費㗎，對於我呢啲大食積來講梗係唔sit卓叫最大啦。食完呢餐我同事嘅結論都係洗鬼去日本食咩!