Video
Read full review
2018-10-28
2131 views
今日約左fd子出觀塘食飯吹下水，記得Table18嘅啤酒唔錯，於是就去拎張飛等位。去到大概係七點半左右，出面都有啲人等緊位，但係好彩都唔洗等好耐，半個鐘就有位。餐廳入面燈光較暗，環境舒服，好適合吹水。入到去先叫啤酒飲，強推德國黑啤。黑啤唔會好苦，但係有好香嘅麥味，加少少酸味，好易入口。跟住其他野食就陸續咁上。我地今次叫左酥皮龍蝦湯，蟹肉菠菜忌廉天使麵，卡邦尼pizza，同埋燒烤拼盤。酥皮龍蝦湯新鮮焗起熱辣辣，個湯嘅味道都幾香濃，裏面都有啲(蝦/龍蝦仔?)肉，加上少量蔬菜，增加口感。可惜個酥皮真係唔太新鮮，食落去有少少變酸。雖然係未變壞，但係味道都唔太好。個天使麵整體感覺唔錯，天使麵都掛上忌廉汁;蟹肉不過不失，唔腥。依個麵食落比較輕盈，唔會好”漏”。今日嘅重頭戲-四人份量嘅燒烤拼盤，有四隻大蝦，兩塊豬扒，兩塊牛扒，一塊雞扒，同埋蔬菜。大蝦啖啖肉，不過比較淡;其他肉類反而唔錯，無overcooked，好易切得開。蔬菜不過不失。卡邦尼pizza無欺場，堅有生蛋黃喺上面，芝士煙肉蛋漿喺脆卜卜嘅餅底上面，真係唔錯。喺依度飲下野吹下水真係唔錯，值得推介。———————-P.S. 用恆生信用卡埋單喺
去到大概係七點半左右，出面都有啲人等緊位，但係好彩都唔洗等好耐，半個鐘就有位。
餐廳入面燈光較暗，環境舒服，好適合吹水。
入到去先叫啤酒飲，強推德國黑啤。
啤酒
36 views
0 likes
0 comments
黑啤唔會好苦，但係有好香嘅麥味，加少少酸味，好易入口。
跟住其他野食就陸續咁上。我地今次叫左酥皮龍蝦湯，蟹肉菠菜忌廉天使麵，卡邦尼pizza，同埋燒烤拼盤。
酥皮龍蝦湯
75 views
0 likes
0 comments
酥皮龍蝦湯新鮮焗起熱辣辣，個湯嘅味道都幾香濃，裏面都有啲(蝦/龍蝦仔?)肉，加上少量蔬菜，增加口感。可惜個酥皮真係唔太新鮮，食落去有少少變酸。雖然係未變壞，但係味道都唔太好。
蟹肉菠菜忌廉天使麵
52 views
0 likes
0 comments
個天使麵整體感覺唔錯，天使麵都掛上忌廉汁;蟹肉不過不失，唔腥。依個麵食落比較輕盈，唔會好”漏”。
燒烤拼盤
86 views
0 likes
0 comments
今日嘅重頭戲-四人份量嘅燒烤拼盤，有四隻大蝦，兩塊豬扒，兩塊牛扒，一塊雞扒，同埋蔬菜。大蝦啖啖肉，不過比較淡;其他肉類反而唔錯，無overcooked，好易切得開。蔬菜不過不失。
卡邦尼薄餅
72 views
0 likes
0 comments
卡邦尼pizza無欺場，堅有生蛋黃喺上面，芝士煙肉蛋漿喺脆卜卜嘅餅底上面，真係唔錯。
喺依度飲下野吹下水真係唔錯，值得推介。
———————-
P.S. 用恆生信用卡埋單喺主餐牌叫滿每400蚊就可以減100蚊，最多可以減到200蚊~
Post
