一哥點故 (Closed)

中午搵食，放工又搵食，中秋兩個人過，兩口子團團圓圓便可以！平時與同事食lunch已食過，現在過來飲過晚茶，貪佢搭巴士回家夠方便，兼且食物係即叫即蒸，即煎炸的。五指無桃燉豬骨雖然係細盅的燉湯，不過未飲已散發五指無桃嘅香味，飲落清香而且有肉甜味，份量多d就好Lu!咸水角熱燙燙，餡料不會放滿，個人認為這個至係好食，因咸水角食炸脆同煙韌嘅皮，太多餡料，主角就變成配角，而家就剛剛好。千島醬脆皮蘿蔔糕食到有條條的蘿蔔，加埋千島汁，幾盞鬼！龍蝦湯鮮竹卷皮脆又多餡，龍蝦湯似醬多一d，不過有濃郁的龍蝦味。懷舊糯米雞糯米好又綿帶煙韌，餡料調味十足，有肉有冬菇粒，係細隻咗d。白灼靚菜心都幾大碟，抵食。流沙飽軟綿綿嘅皮，溶化嘅流沙流到出黎，重食到咸蛋黃！