塚田食堂

Open Now

Now Closed

以為坑口無好嘢食，原來選擇都唔少，星期日中午12點嚟到唔駛等位，呢度假日都有好多定食揀，真係會花多眼亂，定食已包前菜+麵豉湯+主菜，食完成個set都已經好飽，所以我覺得唔駛特別加錢到自助區。 🥢燒肉定食 (豬肉片+牛肉片) $88⭐️⭐️⭐️⭐️呢個餐都幾抵食，肉有成十幾塊，雖然薄但都幾大塊，燒起上嚟仲非常惹味，不過就大油煙啲。🥢滑蛋鰻魚定食 $98⭐️⭐️⭐️⭐️鍾意食鰻魚嘅人一定要試，鰻魚厚切份量十足又好味，蛋又香又滑，好味到食晒成碗飯。🥢炸池魚 +$28⭐️⭐️⭐️⭐️成隻手掌咁大，香脆可口又夠熱辣辣，如果唔係太飽都真係想叫多一件。 二人共消費: 214