塚田農場 (Closed)

早就想試吓塜田農場嘅lunch，勁多款和風十足嘅set餐好吸引，淨係外表繽紛多彩嘅賣相就已經令人有選擇困難，最吸引嘅就係美人壽司同美人框飯御膳。美人框飯御膳由漬物、沙律、天婦羅、雞湯同埋兩款框飯組成，有五款框飯可任選兩款. 包括薄燒饅魚框飯， 三文魚框飯， 蟹肉三文魚籽框飯， 牛肉時雨煮框飯， 照燒雞框飯。我揀咗三文魚框飯同牛肉時雨煮框飯。lunch set包嘢飲，我加咗15蚊升級特飲芒果波子汽水。沙律新鮮，由炸蓮藕脆片、玉子、三文魚刺身、沙律菜組成。脆蓮藕片好薄脆，玉子同三文魚好夾，口感層次豐富。天婦羅蝦同什錦份量滿足，天婦羅蝦色彩繽紛好特別. 香脆可口。配有雞湯，呈乳白色，鮮香濃郁。框飯就是用小木筒裝飯，飯底系糯米飯，上面鋪滿餸，牛肉時雨煮框飯牛肉份量多，三文魚飯則鋪咗蛋絲同魚籽，營養又美味。