春水堂 (美麗華廣場1期) (Closed)

疫情之前，每一～兩年就會去台灣一次。望返d相，對上一次去台灣已經係2019年頭嘅事🥲🥲自從春水堂係香港開分店後，都食過幾次🍴每次到食飯時間，一定排長龍。趁今日放假，早啲去食咗先😋今日唔算好旺，一嚟到就有位。就算餐廳封咗後半部嘅枱，都未坐滿。叫咗魯肉飯、蒜泥白肉、珍珠紅豆鮮奶茶。可能食客唔多，加上食物唔係太複雜，等咗5分鐘左右就已經有嘢食。魯肉飯 ($28) 份量啱啱好，有肉鬆、肉粒，仲有冬菇粒。肉粒唔係每粒都有肥豬肉㗎，啱我呢啲怕食肥膏嘅人，食完罪疚感都冇咁大😆蒜泥白肉 ($38) 上面有兩粒大辣椒，唔係好食得辣嘅我，第一時間拎走佢😂。醬汁本身冇辣味，只要拎走辣椒，唔食得辣嘅人都可以食。 蒜泥唔係好嗆喉，上面有啲薑絲，肉下面有青瓜絲。珍珠紅豆鮮奶茶 ($38) 其實差唔多每次食春水堂，都係叫呢杯飲品，因為只有紅豆系列係用鮮奶，其他係用奶精。希望佢第時會考慮其他奶茶都用鮮奶啦🥛因為今日係一個人的午餐，叫唔到好多嘢食，其實都唔係叫咗好多台灣小食😂之前食過佢嘅鹽酥雞係唔錯，鹽酥杏鮑菇就麻麻哋啦🙅🏻‍♀️其實想試吓個台灣米糕，不過驚食唔晒，唯有等下次同朋友一齊嚟食先叫🍴我幾鍾意美麗華一期分店，落