Video
Read full review
2009-08-16
83 views
今日遊完船河，係西貢出返黎，大家討論左好耐夜晚食咩野，唔知點解有人提議食中菜，咁其他人又無乜大意見，咁就決定左中菜啦。原本話出旺角食，搞下搞下又留返係港島區，後尾係有人提議黎呢度，咁大家又太累唔想諗，咁就黎左呢度啦。我地一行7人，入到去問佢有無位，佢話要大概個半鐘後交檯，原本唔係好想，但大家都實在好累，唔係好想諗野同繼續行，而個半鐘都應該食得切，所以就都入左去啦。一坐低就俾左幾碟前菜我地，我覺得酸青瓜好好味，又唔辣，又酸酸地又爽口，我食左好多舊呀! 跟住決定左食北京填鴨同埋鐵板京蔥牛肉，就叫左先啦，因為個北京填鴨佢話要等成一個鐘喎。跟住等左好耐終於都決定哂食咩啦。首先黎個鐵板京蔥牛肉，我覺得呢個算係幾個之中幾好味既，因為佢有好多蔥加埋係個鐵板上面燒，所以係好香口既，D牛肉好淋好易入口，而且都算入味，雖然話係用梳打粉令到佢變得咁淋咁軟，但講真我都覺得真係算可以接受既。之後就黎左個炒蟮糊，呢個係其中一個同學提議架，其實其他人都唔係好知係咩黎，但反正我覺得每道菜都總有人喜歡唔喜歡，所以最後都有照叫。出到黎都幾受好評呀，我都覺得幾好既，因為佢有好多蔥呀蒜呀芽菜呀等等，所以個味道係非常濃的，口感
原本話出旺角食，搞下搞下又留返係港島區，後尾係有人提議黎呢度，咁大家又太累唔想諗，咁就黎左呢度啦。我地一行7人，入到去問佢有無位，佢話要大概個半鐘後交檯，原本唔係好想，但大家都實在好累，唔係好想諗野同繼續行，而個半鐘都應該食得切，所以就都入左去啦。
一坐低就俾左幾碟前菜我地，我覺得酸青瓜好好味，又唔辣，又酸酸地又爽口，我食左好多舊呀! 跟住決定左食北京填鴨同埋鐵板京蔥牛肉，就叫左先啦，因為個北京填鴨佢話要等成一個鐘喎。跟住等左好耐終於都決定哂食咩啦。首先黎個鐵板京蔥牛肉，我覺得呢個算係幾個之中幾好味既，因為佢有好多蔥加埋係個鐵板上面燒，所以係好香口既，D牛肉好淋好易入口，而且都算入味，雖然話係用梳打粉令到佢變得咁淋咁軟，但講真我都覺得真係算可以接受既。
之後就黎左個炒蟮糊，呢個係其中一個同學提議架，其實其他人都唔係好知係咩黎，但反正我覺得每道菜都總有人喜歡唔喜歡，所以最後都有照叫。出到黎都幾受好評呀，我都覺得幾好既，因為佢有好多蔥呀蒜呀芽菜呀等等，所以個味道係非常濃的，口感又有，D蟮糊一D都唔腥，所以我都夾完又夾。
有咁多肉梗係要叫個菜啦，叫左個蟹肉生菜球，嗯，呢個就比較普通，無咩特別，食落去味道較為淡，份量也不算多，但清清地就啱架啦，因為其他野咁濃味。另外因為諗唔到食咩好，叫左個糖醋排骨，呢個就唔好食，佢一黎既樣已經同我想像中差好遠。食落去D肉係超級"鞋"口，好粗糙，而且佢個味道都怪怪，即係酸同甜既味道都唔係好夠徹底，所以唔好食。
最後終於等到北京填鴨啦，我自己本身係好鍾意呢味菜既，但呢個雖然係呢度招牌菜，但唔算係真係好好食，因為佢個鴨肉燒到太乾身啦，一D肉汁都無，見到好厚既脂肪層，但一D都唔覺得有個種甘香湧出黎，餅皮好鬼乾身，所以真係唔算好食。
服務同個好字有太大段距離，我諗外國人或者一家大細真係會幾鍾意黎，但要我再黎就未必啦。
Post
