Video
Read full review
2017-08-03
127 views
荃新天地二期對面開咗間叫Catee嘅餐廳,門面睇落幾有特色.餐廳入面有唔少用貓做主題嘅佈置,就連logo都同貓有關.水吧嗰邊嘅瓷磚全部都係貓圖案,好吸引.環境燈光昏暗,幾有氣氛.其中一幅牆度仲掛咗好多幅用貓做主題嘅畫.陳設都好用心.我都幾鍾意呢度嘅環境.呢度嘅晚餐有十幾款,包沙律,湯,飲品同甜品,亦都可以散叫,呢次我哋就叫咗幾款嘢食嚟試.店員拎咗兩隻碟俾我哋share嘢食時用,上面嘅圖案好靚呀!然後又拎咗籃麵包嚟,仲有黑醋橄欖油用嚟蘸麵包用,不過如果佢哋將麵包烘暖一下嘅話應該會更加美味.晚餐沙律入面有橄欖,紫生菜,紫椰菜等等,而上面一粒粒嘅嘢其實係蘭度豆嚟嘅,少見多怪嘅我係第一次食呢種豆,幾有咬口,醬汁就酸酸哋幾醒胃.餐湯嘅湯質creamy,同埋有少少粉粉哋嘅口感,味道同我晌其他餐廳飲過嘅餐湯有啲唔同,問過店員之後先知原來係蘭度豆湯,對我嚟講都真係幾特別.雙影帶子配黑魚子嘅帶子分咗熱食同凍食兩款,前者焦香惹味,後者就突顯咗黑魚子嘅鹹鮮.晚餐主菜我哋揀咗香煎挪威三文魚扒,用咗露筍,藤茄,薯蓉等等做伴碟,賣相吸引.三文魚扒魚皮煎得香脆,魚肉有油香,水準唔錯.Catee炸三文魚蛋,店員話呢款
荃新天地二期對面開咗間叫Catee嘅餐廳,門面睇落幾有特色.
餐廳入面有唔少用貓做主題嘅佈置,就連logo都同貓有關.
水吧嗰邊嘅瓷磚全部都係貓圖案,好吸引.
環境燈光昏暗,幾有氣氛.
其中一幅牆度仲掛咗好多幅用貓做主題嘅畫.
陳設都好用心.
我都幾鍾意呢度嘅環境.
呢度嘅晚餐有十幾款,包沙律,湯,飲品同甜品,亦都可以散叫,呢次我哋就叫咗幾款嘢食嚟試.
店員拎咗兩隻碟俾我哋share嘢食時用,上面嘅圖案好靚呀!
然後又拎咗籃麵包嚟,仲有黑醋橄欖油用嚟蘸麵包用,不過如果佢哋將麵包烘暖一下嘅話應該會更加美味.
沙律
14 views
0 likes
0 comments
晚餐沙律入面有橄欖,紫生菜,紫椰菜等等,而上面一粒粒嘅嘢其實係蘭度豆嚟嘅,少見多怪嘅我係第一次食呢種豆,幾有咬口,醬汁就酸酸哋幾醒胃.
餐湯嘅湯質creamy,同埋有少少粉粉哋嘅口感,味道同我晌其他餐廳飲過嘅餐湯有啲唔同,問過店員之後先知原來係蘭度豆湯,對我嚟講都真係幾特別.
雙影帶子配黑魚子嘅帶子分咗熱食同凍食兩款,前者焦香惹味,後者就突顯咗黑魚子嘅鹹鮮.
香煎挪威三文魚扒
34 views
0 likes
0 comments
晚餐主菜我哋揀咗香煎挪威三文魚扒,用咗露筍,藤茄,薯蓉等等做伴碟,賣相吸引.三文魚扒魚皮煎得香脆,魚肉有油香,水準唔錯.
Catee炸三文魚蛋
28 views
0 likes
0 comments
Catee炸三文魚蛋,店員話呢款菜式係佢哋用咗唔少時間去研發,雖然話係魚蛋,但同平時嘅魚蛋絕對唔一樣.
Catee炸三文魚蛋
19 views
0 likes
0 comments
吉列外皮薄而脆,切開之後仲清楚可見一絲絲三文魚肉,食落鬆化兼帶汁,蘸埋個醬就酸酸辣辣.
芒果芝士餅
17 views
0 likes
0 comments
晚餐嘅甜品芒果芝士餅酸香滑溜,仲用龍珠果伴碟,幾消滯.
朱古力布朗尼蛋糕
31 views
0 likes
0 comments
另外叫埋朱古力布朗尼蛋糕,餐廳特登將佢切成一片片,食落更加方便.質感脆同帶啲濕潤感,仲跟埋朱古力醬,味濃唔澀,又唔會過份甜膩.
晚餐仲包飲品,驚喜嘅係配Latte唔洗加錢,其他嘅mocktail等等亦只係加$15左右,同同類餐廳相比,改其他飲品嘅收費可以話係幾平.
嚟之前以為係間賣外表嘅餐廳,估唔到食物有一定水準,烹調亦見用心,仲俾我見識到蘭度豆呢樣嘢.另外大部份西餐廳提供嘅清水一般都加檸檬片,而呢度就係加青瓜同青檸葉嘅,飲落既香口又清新,同樣係坊間比較少見.
Post
