文輝墨魚丸大王

Open Now

Now Closed

好多時我地覺得食物好味，都係同情意結有關，如媽媽煮既餸往往會覺得係世上最好味既。不過呢間粉麵檔，佢既好味唔單止係因為對佢有情意結，而係佢既墨丸真係堅好味呀！所講既係銅鑼灣渣甸街文輝。無錯，又係讀書嗰陣...(冇計啦！喺銅鑼灣番學，放學又唔願番屋企，喺銅鑼灣食野食到有感情係好易讓人理解的...)間中跟同學嚟開餐，好多時係補課後，話明墨魚丸大王，嚟親梗係會食墨丸啦！今日舊地重遊，心癮起便嚟文輝食紫菜墨丸河，落單後不久就端上，看似其貌不揚，實則寶物尋歸底，一碗墨丸河有5粒墨丸，有啲地方得四粒，如果雙拼仲得三粒咋！墨丸爽口彈牙，有墨魚粒，唔會腥，又冇加我至憎既馬蹄，食得出足料冇溝粉，紫菜冇碴，河粉份量適中，唔會一夾就斷。係個湯淡啲，應叫佢加腩汁呀！不過潮州辣椒油好味，可以幫淡味湯提味。所以話，雖然唔多唔少對銅鑼灣食肆係有點情兒結，但這裡既墨丸真係我食過既最好，冇呃你架！個個都點這個咁滯，或貪心啲點紫菜四寶河(都有墨丸)。總之，我始終認為墨丸，都係文輝既好！