Caliente

Open Now

Now Closed

朋友生日，往年西餐中菜打邊爐日式放題...都食過哂，今年想搞搞新意思，食啲特別啲嘅嘢。睇完一輪，搵到呢間喺諾士佛臺嘅墨西哥菜，香港比較少有墨西哥菜餐廳，而且睇落又好似幾正咁，就即刻喺openrice book枱。餐廳環境唔錯，臨近十月尾仲佈置好哂Halloween嘅裝飾🎃幾有氣氛。餐廳燈光較暗，睇menu嗰陣辛苦啲。當晚係weekday嚟，人唔多，但係講嘢都好應聲，人多應該會好嘈。經openrice book枱免費送嘅餐前小食，莎莎醬以蕃茄粒為主，酸酸辣辣配上香口脆片好為胃。我哋叫咗medium-well，牛扒烤得啱啱好，唔會太熟，牛扒上面加咗香草，海鹽另附上一個秘制醫汁。牛扒入口香濃鬆軟，肉汁豐富。配菜我地揀咗sautéed wild mushrooms，都好好味😋粟米掃上蜂蜜煙燻辣椒醬去烤，再加上墨西哥嘅特色Oaxaca芝士碎同香草，個汁整得好好味，酸酸甜甜得嚟少少辣，再配上芝士嘅咸香，好正，略嫌不嘅嘅係用咗雪藏粟米，用新鮮粟米一定好食好多。墨西哥菜中必點嘅Nachos，可以揀配牛肉或雞肉，我地揀咗雞。喺三角型嘅墨西哥脆片上面，淋上大量融咗嘅芝士，配以香草蕃茄粒雞粒，再加上酸忌廉同