Andy's Garage (Closed)

同朋友入左天后影相，諗住食啲唔同啲既野，入夜之後，同佢入左黎美食聚集地－大坑 呢到搵食，不過大部份價錢偏貴，所以都睇左段時間，最後同佢黎到呢間食～門面好特別，有個大大既車頭係門牌位置，望落去環境唔大，但佈置方面都幾有心思。裡面仲有植物牆做背景，等大家食得放髮，不過位置之間就比較狹窄。MENU 有圖作參考，但唔算多，第一次食墨西哥菜既朋友就揀得特別慢XD 蒜蓉包，估唔到件數幾多，蒜蓉包熱辣辣又脆口，食落去帶陣陣蒜香，而且包既本身帶有少少奶香味～寶雞翼，外型有啲似水牛城雞翼，以墨西哥汁醃製，食落去帶酸辣味，雞肉嫩滑帶少少肉汁，配上SOUR CREAM，令味道冇咁辣之餘，仲可以減輕油膩感。Garage Chicken Salad，雞胸肉再配上生菜，面頭有芝士粉同沙律醬，生菜食起黎清脆爽口，雞胸肉作中和調味，令成個沙律冇咁寡，沙律醬非酸甜次類，所以食起上黎好健康。