Video
Read full review
2023-09-19
1449 views
餐廳：REFLECT Restaurant & Bar (旺角)地址：旺角西洋菜南街74-84號旺角城市中心12樓7月新開嘅REFLECT Restaurant & Bar @reflect_hk 🪞，主打墨西哥手工fusion菜式🇲🇽，大廚有10年墨西哥菜烹飪經驗👨🍳，菜式口味比較正宗而且迎合到香港人嘅口味上到旺角城市中心12樓，先見到左手邊有塊深淵鏡，喺唔同角度望過去就好似時光隧道咁反射到多層面向嘅倒影😍；入到餐廳就見到豪華亮麗嘅設計，自然光映射入餐廳裏面非常光亮✨，仲有一個小小嘅酒吧空間，比食客可以坐喺吧枱摸吓酒杯底🍸，抬頭仲見到用鏡中倒影砌成嘅餐廳logo，相當有心思，喺一個完美嘅reflection🤩餐廳仲有室外露天茶座空間，話晒喺rooftop bar and restaurant，無咁熱嗰陣喺度吹下風傾吓計飲杯酒都幾寫意🗣，抬頭望到一幅由graffiti噴畫師設計嘅20米高塗鴉牆🎨，喺度搞番個Rooftop party應該幾正🕺🏼✝️肉眼牛排 $328澳洲肉眼牛排以炭燒嘅方式燒香🥩，叫咗5成熟，份量適中約8-10安士，廚師預先將牛扒切成一片片，食落夠晒方便👍，脂肪油花分布
地址：旺角西洋菜南街74-84號旺角城市中心12樓
7月新開嘅REFLECT Restaurant & Bar @reflect_hk 🪞，主打墨西哥手工fusion菜式🇲🇽，大廚有10年墨西哥菜烹飪經驗👨🍳，菜式口味比較正宗而且迎合到香港人嘅口味
上到旺角城市中心12樓，先見到左手邊有塊深淵鏡，喺唔同角度望過去就好似時光隧道咁反射到多層面向嘅倒影😍；
入到餐廳就見到豪華亮麗嘅設計，自然光映射入餐廳裏面非常光亮✨，仲有一個小小嘅酒吧空間，比食客可以坐喺吧枱摸吓酒杯底🍸，
抬頭仲見到用鏡中倒影砌成嘅餐廳logo，相當有心思，喺一個完美嘅reflection🤩
餐廳仲有室外露天茶座空間，話晒喺rooftop bar and restaurant，無咁熱嗰陣喺度吹下風傾吓計飲杯酒都幾寫意🗣，抬頭望到一幅由graffiti噴畫師設計嘅20米高塗鴉牆🎨，喺度搞番個Rooftop party應該幾正🕺🏼
✝️肉眼牛排 $328
澳洲肉眼牛排以炭燒嘅方式燒香🥩，叫咗5成熟，份量適中約8-10安士，
廚師預先將牛扒切成一片片，食落夠晒方便👍，脂肪油花分布均勻，肥瘦相間帶嚟特別軟嫩嘅口感，入口香濃多汁💦，
可以蘸埋自家製賓尼斯汁或者燒汁令風味更突出，另外配埋炸薯條、大啡菇、烤大蒜同沙律菜🥗，特別一讚爆汁鮮香嘅大啡菇真喺好出色唔馬虎🍄
✝️燒烤雞肉手工披薩 $128
墨西哥式手工製Tortilla Pizza🍕，用咗兩層烤香薄脆嘅墨西哥薄餅(Tortilla)做餅底🫓，面頭有烤雞肉🐓、芫荽、洋蔥🧅、橄欖🫒、黑椒、自製燒烤醬做餡料，
拎起Pizza有拉絲芝士🧀，食落惹味，不過兩塊Tortilla中間如果加啲醬汁令餅底冇咁容易散開就更好😌
✝️檸檬撻 $98
Off Menu嘅檸檬撻唔喺日日都有，睇你嗰日好唔好彩😎，
鬆脆嘅撻皮包住檸檬半溶軟心🍋，微酸帶甜非常開胃，面頭仲有糖漬咗嘅檸檬果乾同用火槍輕輕燒過嘅蛋白泡沫🫧，甜而不膩好有驚喜🎉
另外叫咗杯Latte($48)，雖然價錢比出面略為貴，但估唔到拉花咁精細😙，深烘咖啡豆加上綿滑鮮奶，咖啡香味同層次質感令鍾意奶啡嘅人愛不釋手🤓，最重要緊喺打個卡先啦📸
Post
