Cali-Mex Bar & Grill (電氣道) (Closed)

本身我自己好鐘意食魚，所以就試下墨西哥式嘅炸魚柳。先講下啲French fries 🙂份量都好多，幼身，但好重薯仔味，炸得好脆，吾算好鹹，金黃色，賣相非常好！主角炸魚！粉漿好薄，而且加左少少鹽調味。魚柳大過我手掌，好足料。啲肉都好厚身，啖啖肉！佢好細心，因為佢提供埋檸檬俾你，怕你覺得好腥同冇味！環境會佈置得好似酒吧一樣，又可以睇足球比賽，啲座位都好闊敞，坐得好舒服。佢lunch set會送湯，個湯係蘑菇忌廉湯，非常之濃郁而且有蘑菇粒， 真材實料。