小田田主題餐廳 (Closed)

一個久未露面的朋友突然約我食飯，原來她將榮升做媽咪啦，真心為她感到高興。我們去了太子的小田田主題餐廳食晚飯，主面是近太子站之餘，又坐得舒適，照顧到未來媽咪的感受。我們二人各點了一個晚餐，另外加了個小食及甜品。番茄湯配紫薯麵包番茄味道濃郁且夠酸，十分開胃清新，紫薯包焗得香脆尸及鬆軟，帶有淡淡的紫薯香味。煙肉芝士焗蠔焗蠔表面舖上了芝士及茄醬，蠔肉比較細隻，味道一般不太夠鮮。扒虎蝦帶子墨魚汁意大利飯意大利飯軟硬適中，煙煙韌韌，每粒都沾上了墨汁，味道濃郁，虎蝦肉彈爽口，還有兩粒帶子，煎得尚算嫩滑。烤韓國濟州島黑毛BB豬鞍豬鞍有至少兩寸厚，表面烤至微焦，裏面肉質呈淡粉色，外脆內嫩，而且充滿肉汁，肉內還有點豬的油脂，很香的豬肉味但不騷，絕對有驚喜，另外還配有烤薯及青瓜片，份量十足。香芒雲尼拿層層磚實在是太浮誇了，麵包共有三層，表面滿佈著忌廉及芒果醬，麵包焗得鬆脆，點埋個芒果醬帶有甜香，份量絕對夠四人分享。雜莓玫瑰花茶有玫瑰花香但雜莓味比較淡，越飲味道越濃，帶有澀味，但可以去油膩，冬天凍冰冰最啱飲。