文輝墨魚丸大王

Open Now

Now Closed

嗰晚我地去咗Pacific Place睇戲，睇完戲都差唔多九點啦。然後我地就坐叮叮落銅鑼灣搵嘢食，諗住食返碗熱辣辣嘅麵都幾好，於是就提議呢間墨魚丸大王喇！由於仲係二人限聚嘅關係，我地都要喺店外等咗五分鐘先可以入去。然後我地叫咗墨魚頭麵、墨魚丸麵同郊外油菜，好快就有得食喇！我覺得墨魚頭較香脆爽口，有些少墨魚味，反而墨魚丸完全冇墨魚味，比較淡口同多粉。所以下次都係齋點墨魚頭比較好喇！另外，加埋佢地嘅秘製辣油同醋，真係冇得頂呀！份量都幾多嘅墨魚頭，好有咬口！墨魚丸都幾大粒，但係冇乜墨魚味！我地都鍾意嘅芥蘭！