敘榕軒 (Closed)

我地三位女士，一盅兩件，唔錯唔錯。我地點了墨西哥奶皇包，煎蝦米腸，沙薑雞翼，燒賣，蒸牛肉球，叉燒腸。墨西哥奶皇包，好香軟，微熱，奶黃又唔係好甜，好好味。煎蝦米腸，煎得剛好，好香蝦米味。沙薑雞翼，每件只係半隻雞中翼份量，令雞翼更加入味。幾香沙薑味。燒賣，都唔錯，不過都唔係同價錢(特點) 成正比。蒸牛肉球，好味，我個人幾喜愛的點心。叉燒腸，呢度用一隻長碟盛載的一條腸，但係份量比傳統的小。灣仔金鐘呢帶飲茶都不是太多選擇。呢度都算唔錯。而且位於酒店內，而家酒店重新裝修大堂，格調似hip-hotel 咁，幾特別。