歇腳亭 (Closed)

係尖沙咀行咗陣街，行行下有點口渴，就係附近睇下有咩飲。咁岩經過見到Sharetea有出士多啤梨系列飲品，好似幾特別，決定買杯試下先繼續行街。-草莓歐蕾我諗應該係期間限定個類，見到有宣傳位寫住係夏日莓果雙重奏。另一款係芝士莓莓，本身已經係想揀呢款，但自己對芝士奶蓋唔係特別鍾意，所以都係揀返草莓歐蕾。加上見到草莓歐蕾有忌廉加士多啤梨醬，好似幾得意，想試飲下mix埋嘅感覺。見到宣傳牌係寫住用明治4.3鮮奶，但飲落牛奶味又唔覺得特別濃厚，奶味唔算突出。飲品上嘅忌廉都算多，但食落唔夠輕盈香甜，融合咗士多啤梨醬都無咩特別。由於忌廉份量都唔少嘅關係，最失望係士多啤梨味完全唔夠酸甜，亦飲唔到水果嘅鮮甜味，只係有士多啤梨果漿味。