Video
Read full review
2010-08-09
69 views
最近，我經過見到有新甜品：木槺布甸系列。有士多啤梨木槺布甸、 芝士木槺布甸及芒果木槺布甸！另外，有 Tiramisu 同係新出品。我先買個麵包打底，然後食木槺布甸做飯後甜品！粟米鮮奶包 ( 原價 $12，特價 $8 )有些粟米粒，包質鬆軟，又有粟米味！令我想起山崎麵包嘅粟米方包味道。粟米經過烘焗之後，不可是爽甜，反而變得有點煙韌！略有口感！芝士木槺布甸 ( $15 )之前係 Cup-cake，今次木槺布甸係新產品。賣相跟 Cup-cake 同樣吸引，芝士木槺布甸表面設計取自上次 Cup-cake ( 請見相片 ) 嘅元素，好似朱古力 Cup-cake 嘅朱古力片；今次採用白朱古力片。另有4粒忌廉粒蓋上咖啡粉作為裝飾；同上次個Tiramitsu Cup-cake 相似！不過，呢部份依然好餾！所以，我只係食咗4份1！白朱古力片，薄薄幾片，不足以令人覺得餾，甜嘅味道跟三角白朱古力有幾分相似，以白色朱古力與啡色咖啡粉配搭之下，使賣相錦上添花。精彩部分，係下面木槺布甸。呢度唔係用瑪利餅壓成木槺粉，而係用瑪利餅乾碎代替，濕濕腍腍，配合滑溜溜嘅淡忌廉布甸，擁有雙重口感！一食就愛上！士多啤梨木槺布甸
有士多啤梨木槺布甸、 芝士木槺布甸及芒果木槺布甸！另外，有 Tiramisu 同係新出品。
我先買個麵包打底，然後食木槺布甸做飯後甜品！
粟米鮮奶包 ( 原價 $12，特價 $8 )
有些粟米粒，包質鬆軟，又有粟米味！令我想起山崎麵包嘅粟米方包味道。粟米經過烘焗之後，不可是爽甜，反而變得有點煙韌！略有口感！
芝士木槺布甸 ( $15 )
之前係 Cup-cake，今次木槺布甸係新產品。
賣相跟 Cup-cake 同樣吸引，芝士木槺布甸表面設計取自上次 Cup-cake ( 請見相片 ) 嘅元素，好似朱古力 Cup-cake 嘅朱古力片；今次採用白朱古力片。另有4粒忌廉粒蓋上咖啡粉作為裝飾；同上次個Tiramitsu Cup-cake 相似！不過，呢部份依然好餾！所以，我只係食咗4份1！
白朱古力片，薄薄幾片，不足以令人覺得餾，甜嘅味道跟三角白朱古力有幾分相似，以白色朱古力與啡色咖啡粉配搭之下，使賣相錦上添花。精彩部分，係下面木槺布甸。呢度唔係用瑪利餅壓成木槺粉，而係用瑪利餅乾碎代替，濕濕腍腍，配合滑溜溜嘅淡忌廉布甸，擁有雙重口感！一食就愛上！
士多啤梨木槺布甸 ( $15 )
以士多啤梨、藍莓、紅莓、兩條薄身白朱古力條作點綴！亦以忌廉及 Jelly 固定，配搭有心思！布甸面係士多啤梨蓉，酸酸甜甜，還食到士多啤梨籽；好醒胃！絕對唔會好似芝士味面頭嘅忌廉粒咁餾！布甸好香滑！士多啤梨木槺布甸如此好味！成為我最近嘅飯後甜品！
Post
