諾亞半熟蛋糕專門店 (Closed)

前幾日睇完戲，行過去商場就見到有間諾亞，心思思想買個蛋糕返去開心share ~~哈哈 喺鋪頭睇左陣就決定買個返去食！ 之前已經食過蜂蜜半熟蛋糕，覺得幾好食幾fresh 又唔甜，所以今次都有信心試新野！當我仲好選擇困難時，唔知揀芒果定士多啤梨芝士蛋糕嘅時候，店員好nice，推介士多啤梨芝士蛋糕比我！因為係限定的！唔係成日有！真係好好彩呀！咁都比我買到限定嘅士多啤梨$168！首先講下蛋糕個賣相先！蛋糕賣相真係唔錯，整個蛋糕鋪滿粒粒士多啤梨，感覺好豐富好多汁！而包裝方面，個蛋糕盒都好靚，黄色盒加handle 又好拎，就咁行出街都唔失禮，好窩心嘅係仲有紙袋方便拎住！終於返到屋企可以食啦！首先要拆開包住蛋糕張紙先，然後就切開個蛋糕！wow... 係軟嘅芝士蛋糕嚟㗎！試下粒士多啤梨先，真心甜！而芝士蛋糕方面，味道有點乳酪嘅味道，少少酸，但加上士多啤梨同蛋糕底，感覺係甜中帶酸，食落唔會覺得好肥好漏！甜度好適合我，家中嘅男士都覺得ok!!而質感方面，食落去有即溶嘅感覺！會想不停食，因為真係好正！整體嚟講，真係好食過連鎖餅店嘅蛋糕，想轉下口味可以一試，價錢合理！