Video
Read full review
2019-05-25
612 views
@haagendazs_hong_kong ————————————————————————可能適合對象：#雪糕蛋糕甜度（5星最甜）：⭐️⭐️⭐️⭐️⭐️濃度（5星最濃）：⭐️⭐️⭐️🍴：餐刀 ✔️/ 蠟燭 ✔️ / 冰袋 ✖️/ 紙盒✔️🏷：✔️（有得即時寫名。若然預訂，可以寫到中文字16個或中英文字合計20個或英文字母20個，包括標點符號及空隔；最少 4 天前預訂）💬：講真，服務有種機械式。有欠親和力，真係冇任何情緒個種咁...Poor Impression🛒：全港 #cakeup_全港🔘：個裝（細，中，大）💰：細$399；中$509；大$609（信用卡可能有92折）————————————————————————性價比：低大大話話介紹蛋糕都介咗成年幾，雪糕蛋糕真係未出現過！今次介紹嘅雪糕蛋糕，品牌亦都係雪糕界嘅「表姐」Haagen Daz，究竟評價係點呢？簡單而言，其實整個蛋糕都係用返佢哋出過嘅雪糕味道而整成一個蛋糕，相信味道大家大致上都知係點，甜，奶味重！而賣相，一眼望埋去，唔算叫好靚，獨特性可以話欠奉（但我印象中，佢有一個摩天輪蛋糕，幾令人記得，遲吓有機會我都想試吓）。所以賣相不竟未叫做好加分，亦都難
可能適合對象：#雪糕蛋糕
甜度（5星最甜）：⭐️⭐️⭐️⭐️⭐️
濃度（5星最濃）：⭐️⭐️⭐️
🍴：餐刀 ✔️/ 蠟燭 ✔️ / 冰袋 ✖️/ 紙盒✔️
🏷：✔️（有得即時寫名。若然預訂，可以寫到中文字16個或中英文字合計20個或英文字母20個，包括標點符號及空隔；最少 4 天前預訂）
💬：講真，服務有種機械式。有欠親和力，真係冇任何情緒個種咁...Poor Impression
🛒：全港 #cakeup_全港
🔘：個裝（細，中，大）
💰：細$399；中$509；大$609（信用卡可能有92折）
————————————————————————
性價比：低
大大話話介紹蛋糕都介咗成年幾，雪糕蛋糕真係未出現過！今次介紹嘅雪糕蛋糕，品牌亦都係雪糕界嘅「表姐」Haagen Daz，究竟評價係點呢？
簡單而言，其實整個蛋糕都係用返佢哋出過嘅雪糕味道而整成一個蛋糕，相信味道大家大致上都知係點，甜，奶味重！而賣相，一眼望埋去，唔算叫好靚，獨特性可以話欠奉（但我印象中，佢有一個摩天輪蛋糕，幾令人記得，遲吓有機會我都想試吓）。所以賣相不竟未叫做好加分，亦都難少少可以留到深刻印象的話，味道就好緊要。
味道方面，士多啤梨加士多啤梨味雪糕加士多啤梨夾心內餡，總之成個蛋糕都充滿住士多啤梨！先講面頭原粒嘅士多啤梨，好酸，又酸又凍，我都只係食到半粒，放棄，確實太酸。
而雪糕，實冇死嘅，係甜啫！點知，個內餡仲甜，甜上再加甜！我印象中，記得食個層內餡，有感覺係咬到砂糖咁，真係好甜，未能夠好喜愛𠵱個蛋糕。
而準備𠵱個Post嘅一刻，先發現原來𠵱個配搭係可以自由更改，都算叫有少少安慰（因為真係太士多啤梨啦）。𠵱款雪糕蛋糕係可以自己揀埋雪糕味道，但味道就有限制，只有比利時朱古力、抹茶、焦糖脆餅、芒果、朱古力、雲呢拿、曲奇、果仁、士多啤梨芝士蛋糕、藍莓，又或者芒果紅桑子可以揀。
Regrettably，原來若然改咗唔係士多啤梨味，就唔會提供到夾心內餡，即係齋得雪糕！是但啦，講真，若然有朋友好鍾意食雪糕，我又唔介意冇咗個內餡，因為我覺得冇內餡唔係損失，原因冇幫助到個蛋糕，仲有啲畫蛇添足感。若然淨要一隻味，咪當食雪糕咁食囉。咁係出面買一杯都要$30蚊，咁咪當買咗13杯雪糕一齊Share食囉。但我會唔會再揀𠵱個蛋糕買呢？Personally，我就覺得$399仲有好多選擇，咁所以性價比，只可以俾低。
結論，我有少少後悔買咗𠵱個蛋糕⋯感覺浪費咗個介紹好蛋糕嘅機會，較為普通，又唔太靚，又冇Gimmick，又太甜，相信唯一賣點真係只係因為佢係雪糕。
——————————————————
#cake #birthday #蛋糕 #生日 #生日蛋糕 #birthdaycake #hongkong #hkig #香港 #香港限定 #hkbakery #caketionary #caketionaryhongkong #呃like #相機食先 #雪糕蛋糕 #雪糕 #中環
士多啤梨雪糕蛋糕
$399
50 views
0 likes
0 comments
Post
