大苑子 (K11購物藝術館)

Open Now

Now Closed

鍾意飲台式飲品嘅我，又發現有新舖，就係位於k11嘅大苑子，聽講係台灣過江龍，啲飲品用新鮮水果做，仲有雪糕同乳酪，好吸引☺️莓好相遇，$48呢杯係季節性飲品，用大大粒新鮮士多啤梨🍓整成嘅沙𣲙，好綿好滑，下層係鮮奶，我要咗無糖，所以成杯嘢甜度唔高，但可以飲到士多啤梨味😋台灣芋頭鮮奶，$36見到芋頭嘅飲品就有沖動買嚟試，呢杯嘅芋泥好多，差唔多有半杯，飲第一啖已經充滿芋頭味，正。宇治抹茶新地，$28見到有雪糕食，仲有好多特別嘅配搭，心郁郁想試，原本想試厚奶新地，不過賣晒，唯有揀第二想試嘅抹茶啦，雪糕好滑，奶味夠重，配上抹茶醬同紅豆，夠晒日式☺️