壺說 (Closed)

嚟鴨寮街依邊買旅行電話卡之後，行返對面食lunch。雖然天氣轉涼，但2點行出嚟都好曬同熱熱得。又係借口買野飲啦，行過見寫係台灣茶而買。本身想飲蜂蜜普洱珍珠奶茶，擔心食完飯飲好heavy就無選。芋頭鮮奶 $30本身有甜就唔再加甜，希望食到芋頭香甜。配鮮奶多一份奶香，飲前要搞一搞，唔係既兩層色，兩層混合先得。奶中帶少少粒粒芋頭。芋頭粒絲軟軟地，份量多啲會更好。桂花烏龍 $23大大杯，底下有桂花。一飲好香桂花甜味道，烏龍濃中由桂花中和厚甘既味道，容易入口好多。