鳴門魚市場居酒屋 (Closed)

姪女話鳴門魚市場居酒屋壽司，刺身，卷物類外賣半價優惠，其他種類8折，唔食走寶。既然咁抵食，便叫佢請我食。佢買左我喜歡的軟殼蟹牛油果沙律。個沙律大大份好新鮮。酸甜爽口清新，隻軟殼蟹見到都想食，牛油果滑，整體味道唔錯!日式炸雞有水準，啖啖肉好味道，送啤酒一流。三文魚刺身和赤海蝦刺身鮮甜，吃多塊都唔驚肥。壽司有水準，飯酸甜合度，魚生新鮮。我愛鳗魚壽司和火炙左口魚邊壽司，好吃。姪女讚北寄貝壽司，八爪魚壽司和鮮貝柱壽司新鲜可口。兩個人吃得開懷，只需280元左右，抵食。下次我請番姪女吃。