Video
Read full review
2013-02-07
122 views
去一壽司每次都食壽司同刺身，好少食其他小食，因為我係好鍾意食壽司，但今次睇睇下個餐牌，好想食個關西黃金燒海鮮薄餅同汁燒金菇牛卷，海鮮薄餅個賣相好討好，pizza面全是海鮮，非常足料，陣陣芝士味已令人垂涎，急不及待咁食一口，薄餅底焗得香脆，滿口的足料海鮮一點也不欺場，比一些意大利店嘅薄餅還要好食，無諗過响壽司舖會食到如此有水準嘅薄餅，雖然個pizza唔係好大個，但食落都有d溜。汁燒金菇牛卷煮得非常美味，牛肉味濃而且肉質好，食落唔韌，金菇又好入味，配合牛肉同醬汁一齊食味道好得難以形容，呢兩款小食真係無選錯，值得食。另外都叫咗壽司，其中兩個軍艦真係好食，分別係白飯魚黑松露軍艦及磯煮帆立貝軍艦，前者因白飯魚本身係無咩味，但肉質夠滑，用黑松露嘅香味點綴白飯魚，令口感大增，又滑又香又美味，心思之作，而磯煮帆立貝軍艦嘅帆立貝細細粒，但香味十足，而且好爽口，汁煮過味道更好，同食大嘅帆立貝壽司又係另一種風味。秋刀魚壽司一點都唔腥，而且肉夠實，食落有質感嘅魚肉，都幾好食。其實我係帆立貝愛好者，所以又食埋火炙海膽帆立貝壽司，燒過嘅海膽同帆立貝半熟狀態，熱熱地入口海膽同帆立貝嘅質感變得唔同，味道亦好。來一杯紅
去一壽司每次都食壽司同刺身，好少食其他小食，因為我係好鍾意食壽司，但今次睇睇下個餐牌，好想食個關西黃金燒海鮮薄餅同汁燒金菇牛卷，海鮮薄餅個賣相好討好，pizza面全是海鮮，非常足料，陣陣芝士味已令人垂涎，急不及待咁食一口，薄餅底焗得香脆，滿口的足料海鮮一點也不欺場，比一些意大利店嘅薄餅還要好食，無諗過响壽司舖會食到如此有水準嘅薄餅，雖然個pizza唔係好大個，但食落都有d溜。汁燒金菇牛卷煮得非常美味，牛肉味濃而且肉質好，食落唔韌，金菇又好入味，配合牛肉同醬汁一齊食味道好得難以形容，呢兩款小食真係無選錯，值得食。
另外都叫咗壽司，其中兩個軍艦真係好食，分別係白飯魚黑松露軍艦及磯煮帆立貝軍艦，前者因白飯魚本身係無咩味，但肉質夠滑，用黑松露嘅香味點綴白飯魚，令口感大增，又滑又香又美味，心思之作，而磯煮帆立貝軍艦嘅帆立貝細細粒，但香味十足，而且好爽口，汁煮過味道更好，同食大嘅帆立貝壽司又係另一種風味。
秋刀魚壽司一點都唔腥，而且肉夠實，食落有質感嘅魚肉，都幾好食。其實我係帆立貝愛好者，所以又食埋火炙海膽帆立貝壽司，燒過嘅海膽同帆立貝半熟狀態，熱熱地入口海膽同帆立貝嘅質感變得唔同，味道亦好。
來一杯紅棗茶，紅棗味濃，滋潤一下，熱呼呼的，可口。今次沒有食太多壽司，因為原來壽司加上薄餅真係太飽肚了。
Post
