Video
Read full review
2009-02-15
2 views
13-2-2009一直對呢度好有興趣, 睇了食友 Superbaby 的食評及相片後, 終於「忍無可忍」, 的起心肝拉埋朋友 J 剖定檯0黎食 lunch 了, 0黎到門口已超興奮! 大家都揀了 Deluxe 壽司定食 ($200):- 前菜 #1 係海帶絲, 粉粉甜甜 (木魚汁?), 灑上芝麻, 多一份香口; #2 係芽菜, 一樣甜甜的, 爽爽脆脆, 清新開胃.- 蒸蛋: 好滑溜, 不過我覺得味道稍鹹; 配料除0左常見的銀杏, 雞肉, 魚蛋, 不知名菇菌及不知名香葉 (哈哈, 唔好意思, 我實在太孤陋寡聞了 ^_^") 之外, 呢度的仲落了日本年糕 (!!), 煙煙韌韌黏黏的又帶點米香, 效果又唔錯.- 主角係 8 件壽司, 6 件小卷及一件甜蛋... 壽司飯醋味剛好, 握得 bite size,「穩固度」恰到好處, 勁! 最正係我的 all-time favourite 海膽軍艦, 海膽實在十分甜美幼滑! 可惜紫菜唔脆, 美中不足. 赤貝都好唔錯, 鮮甜爽脆, 好食; 輕輕「火炙」過的 toro 食到滿口豐潤油香, 勁正! 不過赤身亦無被比下去, 濃香鮮味, 正! 甜
一直對呢度好有興趣, 睇了食友 Superbaby 的食評及相片後, 終於「忍無可忍」, 的起心肝拉埋朋友 J 剖定檯0黎食 lunch 了, 0黎到門口已超興奮!
大家都揀了 Deluxe 壽司定食 ($200):
- 前菜 #1 係海帶絲, 粉粉甜甜 (木魚汁?), 灑上芝麻, 多一份香口; #2 係芽菜, 一樣甜甜的, 爽爽脆脆, 清新開胃.
- 蒸蛋: 好滑溜, 不過我覺得味道稍鹹; 配料除0左常見的銀杏, 雞肉, 魚蛋, 不知名菇菌及不知名香葉 (哈哈, 唔好意思, 我實在太孤陋寡聞了 ^_^") 之外, 呢度的仲落了日本年糕 (!!), 煙煙韌韌黏黏的又帶點米香, 效果又唔錯.
- 主角係 8 件壽司, 6 件小卷及一件甜蛋... 壽司飯醋味剛好, 握得 bite size,「穩固度」恰到好處, 勁! 最正係我的 all-time favourite 海膽軍艦, 海膽實在十分甜美幼滑! 可惜紫菜唔脆, 美中不足. 赤貝都好唔錯, 鮮甜爽脆, 好食; 輕輕「火炙」過的 toro 食到滿口豐潤油香, 勁正! 不過赤身亦無被比下去, 濃香鮮味, 正! 甜蛋好軟熟香甜又帶黠汁, 好食; 其他的仲有油甘, 鯛 (??), 鰻魚, 魷魚, toro 茸小卷及青瓜小卷, 除0左魷魚比較平庸之外, 魚生全都十分出色, 就連青瓜小卷都好似清新香口過人的, 哈哈.
- 最後飲杯咖啡 (亦可選水果), 又香又滑, 絕對係呢餐 lunch 的 perfect ending.
食物令人極回味, 環境亦舒服好坐, 食食0下傾傾0下, 不經不覺已經 3:15pm 了 Waitress 態度亦好, 服務貼心, 值得一讚.
連加一每人 $220, 考慮到各方面都好得無0野講, 十分抵食, 勁開心的一個 lunch!
朋友 J, 下次食邊間好呀? 棉登徑街尾的 omakase?
Post
