Video
Read full review
2010-05-29
7 views
師傅呢期成日心思思想食壽司, 但又遲遲都未有實行, 昨日放飯時間定就決定去了左呢件心事, 於是目標係附近嘅元氣壽司, 點知去到後先發現食店正在裝修, 師傅當時十分失望, 正想放棄但心有不甘, 忽然醒起附近仲有呢間食店, 於是即刻飛快咁跑過去!入到去食店, 人唔多, 侍應即刻安排師傅入座, 坐底後即刻拿拿聲柯打野食, 皆因師傅個肚正餓到咕咕聲; 睇下張柯打紙發現有d壽司係逐件計, 有d係逐碟計, 師傅當時都沒好氣地看清看楚, 所以喺想食嘅就寫上一字, 十分想食就寫上二字, 所以結果出事!師生柯打左三文魚壽司, 心灸三文魚壽司, 煙鴨胸壽司, 鰻魚杯飯, 加州卷, 廣島蠔卷, 飛魚子軍艦, 粟米沙律軍艦, 吞拿魚沙律軍艦同埋火炙鰻魚壽司! 率先登場是三文魚壽司, 心灸三文魚壽司, 煙鴨胸壽司, 每樣一件, 師傅第一時間即刻試下件三文魚先, 皆因刺身始終唔係師傅嘅至愛, 所以優先處理, 三文魚壽司成舊點少少豉油, 一夾起散晒, 壽司飯身略嫌鬆散少少, 而三文魚對師傅黎講並非太靚太新鮮, 但亦未到好差, 入到口, 可以吞到, 但一件就夠嘅感覺; 心灸三文魚壽司比三文魚壽司還要差, 味道就是怪怪
師傅呢期成日心思思想食壽司, 但又遲遲都未有實行, 昨日放飯時間定就決定去了左呢件心事, 於是目標係附近嘅元氣壽司, 點知去到後先發現食店正在裝修, 師傅當時十分失望, 正想放棄但心有不甘, 忽然醒起附近仲有呢間食店, 於是即刻飛快咁跑過去!
入到去食店, 人唔多, 侍應即刻安排師傅入座, 坐底後即刻拿拿聲柯打野食, 皆因師傅個肚正餓到咕咕聲; 睇下張柯打紙發現有d壽司係逐件計, 有d係逐碟計, 師傅當時都沒好氣地看清看楚, 所以喺想食嘅就寫上一字, 十分想食就寫上二字, 所以結果出事!師生柯打左三文魚壽司, 心灸三文魚壽司, 煙鴨胸壽司, 鰻魚杯飯, 加州卷, 廣島蠔卷, 飛魚子軍艦, 粟米沙律軍艦, 吞拿魚沙律軍艦同埋火炙鰻魚壽司!
率先登場是三文魚壽司, 心灸三文魚壽司, 煙鴨胸壽司, 每樣一件, 師傅第一時間即刻試下件三文魚先, 皆因刺身始終唔係師傅嘅至愛, 所以優先處理, 三文魚壽司成舊點少少豉油, 一夾起散晒, 壽司飯身略嫌鬆散少少, 而三文魚對師傅黎講並非太靚太新鮮, 但亦未到好差, 入到口, 可以吞到, 但一件就夠嘅感覺; 心灸三文魚壽司比三文魚壽司還要差, 味道就是怪怪的, 不知怎形容, 但就是覺得差; 而煙鴨胸壽司嘅鴨胸真的好大塊, 而且煙得幾香, 鴨胸鬆身, 非常好味, 絕對有想加單嘅衝動, 不錯!
接住落黎一口氣就試左加州卷同廣島蠔卷, 師傅本來諗住要加州卷兩件同廣島蠔卷一件, 結果係碟上, 即係變成加州卷四件同廣島蠔卷兩件, 擺左個老烏添, 於是唯有照食啦, 加州卷入口十分之凍, 入口略嫌硬身, 感覺一般, 仲要食四件, 真係唔知點算? 廣島蠔卷嘅炸蠔幾有蠔味, 入口陣陣蠔香, 而且熱熱地又唔油所以都幾好味道!
至於飛魚子軍艦嘅魚子十分爽, 份量都唔少, 味道不錯, 可惜紫菜唔脆, 幾腍口, 扣少少分; 而粟米沙律軍艦粟炑十分香甜爽口, 加上沙律醬份量唔多, 洽到好處, 所以都不錯; 而吞拿魚沙律軍艦嘅吞拿魚十分乾身, 入口就唔係好舒服, 感覺一般; 最後係火炙鰻魚壽司同鰻魚杯飯, 兩樣同樣是鰻魚,但質素真的有好大分別, 火炙鰻魚壽司嘅鰻魚唔腥冇骨, 而且肉身鬆軟, 不過汁嘅味道過濃, 太咸, 扣少少分啦; 同是鰻魚嘅鰻魚杯飯, 鰻魚水準真的差好多, 鰻魚又乾又實而且有好多碎骨, 口感甚差, 完全唔掂!
總括黎講食物質素合格, 幸好師傅冇咩期望, 服務殷勤有禮, 環境乾淨, 價錢普通, 食左咁多野, 埋單連加一要一百二十二元, 作為午餐算貴, 不過偶爾一次都可以啦! 師傅雖然食左壽司, 係滿足左食癮, 但食完後滿足感唔大, 壽司水準參切, 師傅笑臉比唔到喇, 肯定的是短期內都唔會再黎!
後記: 原來呢期食店只要食滿五十蚊就會有一個印花送, 結果係師傅一個印花都收唔到, 連印花都唔比, 擺明趕客啫!
Post
