壽司郎 (Mikiki)

Open Now

Now Closed

作為壽司郎嘅忠實粉絲，每次有新嘅menu 都會嚟試。六月份嘅時候，壽司郎就出咗以「初夏祭り」 為主題，推出多款蟹肉商品同埋多款快閃限定商品。今次嚟到新蒲崗嘅壽司郎食嘢，因為遇著晚市，所以好多人排隊。拎完飛，等咗40分鐘先有得入座。好彩等嘅期間可以喺商場行吓街，涼下冷氣消磨時間。除咗主推商品之外，壽司郎喇沙拌麵最吸引到我。對上一次試過海膽拌麵覺得好出色，今次都一併嗌咗嚟試。可惜今次食嘅海膽拌麵唔係好新鮮，冇第一次食咁好食。另外喇沙拌麵算係幾特別，配料有啲香菜同埋兩粒雲吞。個汁好香，有少少椰奶味，但係就偏辣，算幾惹味。結論係可以一試，但唔會encore。