阿堂魚湯 (Closed)

依幾日出site 係依頭反工，夜晚放工就順便係依頭食埋飯先走，行過依間舖都幾光鮮，感覺幾乾淨既日式料理店，一於就入黎依度試下。夜晚7點零依間舖都算係多人，都7-8成滿。雖然依度招牌係魚湯烏冬，但見到佢魚生飯menu 都幾吸引，價錢又唔係貴，一於就試下佢魚生飯。驚唔夠飽就叫左兩個小食，蒜香雞翼同埋鹽燒多春魚。我就叫左個三文魚海膽丼飯，都係88蚊，朋友就叫左三文魚蟹籽丼飯，68蚊。個set 除左有大大碗既飯之外，仲有一碗魚湯，同埋一碗沙律菜。而且三文魚每一片都係厚切，誠意十足。朋友個碗三文魚蟹籽丼飯一樣大份，三文魚亦好新鮮。蒜香雞翼值得推介，加左D炸份去炸非常香口，而食到入面雞翼皮充滿蒜香，味道不錯。鹽燒多春魚則不過不失。