蕾

Open Now

Now Closed

最近白布街有間新插旗，主打備長炭串燒料理嘅專門店，估唔到新開張已經都幾full，好彩朋友有訂到枱，建議到訪嘅話都可以先訂枱～呢到主打其實係燒鳥，所以雞串燒嘅款式特別多，除咗平時都常見嘅雞尾、雞頸肉、手羽先、雞腎外，呢到仲有唔少心思之作，例如係雞腸紫蘇蝦卷，最正係呢到有每日限量嘅提燈，自己覺得食落去有啲似百頁豆腐嘅texture都幾得意～平時都一定會叫嘅自家製雞肉棒，加埋月見汁係邪惡到極緻🫡同朋友都要咗一份蕾．釜飯share，釜飯一上枱賣相超靚，面頭除咗滿滿嘅雞肉同菇菌，中間粒夢皇蛋黃勁精神(⁎⁍̴̛ᴗ⁍̴̛⁎) 撈勻之後蛋汁包住飽滿嘅飯粒係勁幸福🩵除咗燒鳥，自己覺得一定要試嘅就係白鱔，真心勁厚肉，個魚皮燒到微微焦脆，魚肉食落去好爽脆！牛舌亂切都唔錯，入面仲係微微粉嫩，而且幾有嚼勁🤤墨魚汁香腸都幾得意，食落去幾香，仲有啲特色串燒，自己都係第一次試豚肉生菜卷同豚肉炒麵卷，豚肉生菜卷外面以照燒汁調味，入面生菜都幾juicy～蔬菜串燒仲要咗小青椒同翠玉瓜，翠玉瓜以胡椒調味，食落去係爆晒汁咁🥰最正嘅係呢到仲係Sake bar，有好多唔同款式嘅清酒，今次試咗款仙禽酒造嘅無垢無濾過原酒，飲落去甜中帶後勁少少