Video
Read full review
2017-05-10
131 views
收工去左市中心補給下日用品，逛逛下買買下真係身水身汗，男朋友提議食越南野，咁岩見到三樓呢間未食過就去先～Staff安排左我地坐室內位,佢有open area對住大電視果邊,室內果邊裝修得幾靚又寬闊, 坐得幾舒服!最怕食飯坐得太迫, 想好好享受下野食都周身唔舒服咁睇睇餐牌比我想像中便宜,50-80就有交易!食飯果陣已經差唔多8點半度,超級肚餓呀所以叫左4款野食!行到勁口乾叫左野飲先!龍眼冰同芒果沙冰!凍冰冰勁爽呀!呢個小食拼盤有燒香茅牛肉蝦片,絲網春卷,燒豬耳札肉同青木瓜絲沙津,分量岩岩好!兩個人share可以每樣試少少,我本身其實唔係幾食札肉, 男朋友食左一舊叫我試試,真係同平時果D札肉唔一樣,有D似豬肉丸咁彈牙燒香茅牛肉蝦片個牛肉超級香!!!!!!!佢底下有少少粉絲,加埋個酸酸地ge汁,好食!青木瓜絲沙津超級開胃,個汁有少少辣辣地~絲網春卷唔油wor! 可以一啖放落口! 由於太肚餓叫左個燒豬頸肉配濱海,生菜豬頸肉好得好食,燒得好軟身又唔乾~個汁係勁好食! 酸酸甜甜! 我地點哂仲想問佢地拎多碟汁~濱海姐係米粉團咁,我將半舊濱海加豬頸肉包生菜咁食真係好豐富好滿足呀!食晚餐都係要叫返個馬拉
男朋友提議食越南野，咁岩見到三樓呢間未食過就去先～
Staff安排左我地坐室內位,佢有open area對住大電視果邊,
室內果邊裝修得幾靚又寬闊, 坐得幾舒服!最怕食飯坐得太迫, 想好好享受下野食都周身唔舒服咁睇睇餐牌比我想像中便宜,50-80就有交易!食飯果陣已經差唔多8點半度,超級肚餓呀所以叫左4款野食!
行到勁口乾叫左野飲先!龍眼冰同芒果沙冰!凍冰冰勁爽呀!
呢個小食拼盤有燒香茅牛肉蝦片,絲網春卷,燒豬耳札肉同青木瓜絲沙津,分量岩岩好!兩個人share可以每樣試少少,我本身其實唔係幾食札肉, 男朋友食左一舊叫我試試,
真係同平時果D札肉唔一樣,有D似豬肉丸咁彈牙
燒香茅牛肉蝦片個牛肉超級香!!!!!!!
佢底下有少少粉絲,加埋個酸酸地ge汁,好食!
青木瓜絲沙津超級開胃,個汁有少少辣辣地~
絲網春卷唔油wor! 可以一啖放落口!
由於太肚餓叫左個燒豬頸肉配濱海,生菜豬頸肉好得好食,燒得好軟身又唔乾~
個汁係勁好食! 酸酸甜甜!
我地點哂仲想問佢地拎多碟汁~
濱海姐係米粉團咁,
我將半舊濱海加豬頸肉包生菜咁食真係好豐富好滿足呀!
食晚餐都係要叫返個馬拉盞炒椰菜苗, 感覺健康D嘛男朋友第一次食椰菜苗,好多人怕椰菜苗太硬身侍應落單果陣都有細心提醒會比較硬身
呢度食又唔會太硬wor,反而幾爽口!
馬拉盞唔會死咸,仲好香tim!!!
呢個菠蘿海鮮炒飯,咁大個菠蘿上碟真係估佢唔到個菠蘿仲要係燒過,好甜好多汁!!!
炒飯勁足料有蝦有魷魚同菠蘿,配埋肉鬆同腰果,有不同口感真係好正!
我地最後仲叫左個芒果糯米飯做總結,椰汁好濃,芒果好甜而且唔酸!真係一個完美結束呀!
Post
