Sweet Monster (Closed)

夏天一到，終於都有理由食雪糕。我都係第一次食Sweet monster，因為平時唔多食凍野。我對爆谷一向都無興趣，而表弟又食過好多次，我跟他要咗同樣的焦糖咖啡，只是我是脆筒，他是杯。第一啖就被咖啡粉卡喉，咳到我眼淚狂飆。不過咖啡粉認真香，微苦澀，配上焦糖正是好。奶滑雪糕，口感好綿柔，初次食印象幾好。雖然雪糕好香滑，但食到後面無咗焦糖汁同咖啡粉，就覺得愈來愈甜，有些膩。視覺同感覺都係脆筒大份過中杯好多，先貴多兩蚊，更抵食。