靚煲皇 (Closed)

以為靚煲皇淨係打邊爐咁你就錯喇， 之前試過佢嘅打邊爐絕對一流 ，估唔到小菜都完全冇失望 。今日訂左,黎到真係幾多人,好早有訂位姐食物選擇都幾多,好多小菜,夏天食岩曬前菜我哋叫咗乾煸欖菜肉鬆四季豆，金湯珍菌浸四寶蔬, 雖然比較少食蔬菜類小菜，但係真係好好食，好爽口 ，簡直一試愛上 。主菜係火焰霸王豬手煲，呢個真係必叫， 因為個豬手好厚身，食落去煙煙韌韌， 感覺啖啖骨膠原 ， 啱曬女性朋友食 。仲有好多菇 ，成個餸炆得好入味 。干鍋洋蔥胡椒蝦又係要激讚， 佢嘅蝦好新鮮好爽口 ，完全食唔到有腥味。腰果辣子格格肉又好好味 ，出面炸到好脆入面好嫩滑， 個汁又啱啱好唔會太辣。秘製啫啫三蔥大魚頭煲， 好足料，淨係食魚頭都抵,又香又脆,魚肉都新鮮棒打牛魔王,牛舌好新鮮,入口都好有口感薑蔥炒蟹,新鮮蟹肉由大廚處理,味道鮮甜多肉,海鮮迷必吃價錢唔太貴,下次會再來