沙嗲王 (官塘工業中心) (Closed)

觀塘沙嗲王重新在工廠區開業，不過門面唔多起眼，如果唔係有朋友帶路，怕且我都搵唔到入口...實在是很耐無幫襯過，除左「白咖哩」系列之外，已經唔係好記得有咩食。睇一睇餐牌，見佢竟然有麻辣野食喎！這種又熱又濕的天氣，很適合食麻辣。咁就一於食個「麻辣白咖哩牛肩胛米線」。無錯，睇個樣真係相當之辣，但其實係麻味重，辣味適中。我本身唔算很食得辣，都覺得佢的辣度無問題，食得到。不過個湯底實在太油，所以完全飲唔到湯...至於牛肩胛，切到薄薄一片，質感都算軟和有牛肉味。不過我覺得跟平時食的火鍋肥牛無咩大分別米線煮得軟滑，唔會太腍身，沾上麻辣湯帶少許麻辣味，越食越開胃。總體而言，這碗米線的味道唔錯，但如果可以少D油，咁就更加好了。