The Little Corner (Closed)

自從上次食完呢個Little Corner之後，成日都忍唔住想再黎試佢個雪糕熱狗。今日咁岩行開呢邊，就過左黎幫襯。唔知係唔係因為天氣太熱既關係，今日既客人明顯比上次既多，大家都好耐心咁等order同埋食物。每日會有2款唔同口味既雪糕產品供應。今日既係桑莓啤酒同宇治綠茶。宇治抹茶雪糕 (配紅豆,白玉)  $36上次食左雪糕筒，今次試下個杯，加紅豆同埋白玉。綠茶味好濃，雪糕好幼滑，配埋甜甜地既紅豆蓉，2個味都好夾，白玉又夠煙韌，夏天食簡直係透心涼。桑莓啤酒冰凍火山  $46今次都係為左呢個雪糕熱狗黎，熱狗仍然keep到水準，Hoegaarden Rosee雪糕依然係好甜好香，但係啤酒味1D都唔重，可以話食唔到咁濟，所以好易食完一啖又一啖，真係好好味。