我是酸奶君 (Closed)

呢幾日天氣好熱呀，落一落街30分鐘都全身濕晒😕又熱又口渴，當然要飲返杯夏日飲品消消暑🥤見到我是酸奶君好多朋友介紹，之前一直都想飲但係唔近我，好開心早排屋企附近開咗間，當然即時試吓😋我是酸奶君以酸奶為主，用不同水果或食材配搭出多款飲品。新出2款夏日飲品有：益生荔枝君：飲落有啖啖荔枝肉，一路飲一路有爽甜荔枝肉食，味道清甜好飲👍🏻益生檸檬君：有好重檸檬味🍋仲有幾片新鮮檸檬，飲落微酸好醒神。2款都有淡淡酸奶味，水果味道又唔會太搶，好飲又健康！