夏雪 (Closed)

星期二下午氣溫高達32度,同朋友行過吉席街半邊身濕哂,見到夏雪呢個時候冇人排隊(夜晚就唔係咁講法 )當然直沖入去啦,4點幾已經坐無虛席,牆上既黑板寫上餐牌配上手繪既食物圖畫,令我感覺年輕不少 ,呢度出名既係窩夫,而且即叫即做,當然要點啦!等左幾個字,終於上桌啦兩件窩夫分別放上心太軟及朱古力雪糕,心太軟同埋雪糕兩者朱古力味香濃,甜而不膩,配上淡忌廉,香蕉同埋士多啤梨,入口清新;窩夫亦果然名不虛傳,新鮮熱辣,外面焗到脆卜卜,而且唔太厚唔太甜,用黎點心太軟漏出黎既朱古力醬同埋雪糕就最適合不過啦再等多幾個字,呢杯雪糕又黎啦,先吃上面果層軟雪糕,軟綿綿甜蜜蜜,簡直透心涼呀跟著就係側邊既香蕉,原來搽左層糖漿,咬落去又脆又軟好好味,下面杯底就係雲尼那雪糕同埋朱古力雪糕.食哂兩款甜品,感覺唔會太甜太膩,大熱天時入黎抖抖,當堂舒服哂~真係明符其實,夏雪夏雪.......夏天的雪