醉胡爐 (Moved) New Location

無錯，食火鍋係唔分季節嘅！尤其同班朋友烚下烚下個種自助程度真係好開心。話說前排同班朋友食又唔知食咩好，於自大家就去咗食火鍋，貪自己鍾意混咩醬就咩醬、想食咩就自己落咩。湯底點咗雞湯，即刻係面前放雞件落去爆香個湯底，煮下煮下就唔少滑雞肉係入面，都幾足料嘅，係堆野食未上之前就可以飲住個湯暖胃同食下入面嘅餸。唯然個日去食都好多人，不過上菜速度都算快。最正係點堆佢嘅豬頸肉，肥瘦適中又有肉味，又有少少豬油香，好過就咁食豬肉。除豬頸肉之外，個脆肉鯇都不得了！大件得嚟又爽口彈牙，話晒係白肉，岩晒想食肉又驚過肥嘅朋友。另外想特別少少就叫埋羊肉片試下，都好薄身，薄身得嚟都幾大塊，有大約女性嘅手掌咁大，我估佢特登切到咁大塊又薄，方便煮熟得嚟又路會話熟咗縮晒水無啖好食卦。