Video
Read full review
2017-07-28
9809 views
每次行世貿，都一定見到牛涮鍋出面大排人龍，今次終於同朋友排隊去食喇。其實都等左一段時間先有位，但大家傾下計行陣街時間就好快過。 牛涮鍋晚市主打90分鐘日式火鍋放題，價錢由依據揀既套餐而有所不同，價錢由$158-$388。今期做緊鹿兒島夏祭既推廣，有得食鹿兒島豚肉，所以同朋友揀左2個套餐A($258)，包左6款肉任食，有鹿兒島豚肉、丹麥豚肉、美國雞腿肉、美國進口牛肉、美國上級進口牛肉同美國特上牛小排。 湯底我揀左蕃茄湯之餘，我仲揀左新既花見湯湯底。 一上湯底就覺得花見湯好香，見到入面用左櫻花蝦、火腿、娃娃菜等食物烹調，湯底味道幾湯甜，之後我地就係咁叫肉食喇。 個人幾推介鹿兒島豚肉同美國特上牛小排!美國特上牛小排，牛味幾濃架，而且淥完唔會好韌同鞋恰恰。 朋友唔食牛，自己就ko左兩碟牛~~ 鹿兒島豚肉大小平均，豚肉薄切，淥一陣就食得，豚肉肉質爽口鮮甜，唔錯呀！ 每碟肉類既份量唔算多，所以我地一共食左2碟牛肉，3碟豚肉。我地既食量真驚人xd之後就拎埋其他食材打邊爐！配料一眼睇晒，其實都不外乎丸類同菜類～ 有年糕、蕃茄、麵等~ 有沙律吧，可以狂食菜~ 有稻庭烏冬，加埋芝麻
牛涮鍋晚市主打90分鐘日式火鍋放題，價錢由依據揀既套餐而有所不同，價錢由$158-$388。今期做緊鹿兒島夏祭既推廣，有得食鹿兒島豚肉，所以同朋友揀左2個套餐A($258)，包左6款肉任食，有鹿兒島豚肉、丹麥豚肉、美國雞腿肉、美國進口牛肉、美國上級進口牛肉同美國特上牛小排。
湯底我揀左蕃茄湯之餘，我仲揀左新既花見湯湯底。
一上湯底就覺得花見湯好香，見到入面用左櫻花蝦、火腿、娃娃菜等食物烹調，湯底味道幾湯甜，之後我地就係咁叫肉食喇。
個人幾推介鹿兒島豚肉同美國特上牛小排!
美國特上牛小排，牛味幾濃架，而且淥完唔會好韌同鞋恰恰。
朋友唔食牛，自己就ko左兩碟牛~~
鹿兒島豚肉大小平均，豚肉薄切，淥一陣就食得，豚肉肉質爽口鮮甜，唔錯呀！
每碟肉類既份量唔算多，所以我地一共食左2碟牛肉，3碟豚肉。我地既食量真驚人xd之後就拎埋其他食材打邊爐！配料一眼睇晒，其實都不外乎丸類同菜類～
有年糕、蕃茄、麵等~
有沙律吧，可以狂食菜~
有稻庭烏冬，加埋芝麻醬就正呀！！
餃子同芝士魚蛋同超正~~仲有麻吉燒都係我最愛呀~~
飲品機，除左汽水外，仲有芒果汁、蘋果汁等…而每一次食呢d放題我最期待既環節就係食甜品喇！
甜品有泡芙、大福、紫薯芝士蛋糕等！乳酪雪糕仲多左蜜瓜味，好清新同有驚喜。
最後送左個手機支架比我地，好似黎食「鹿兒島夏祭放題」都會每人送一個。我覺得牛涮鍋既食物真係唔錯，不過食得晒先好叫，唔好浪費食物
Post
