一品雞煲火鍋

Open Now

Now Closed

雖然已經過咗冬天, 呢排仲33-34度……但炎熱嘅天氣完全冇阻止到我想食雞煲嘅心, 所以就約咗中學同學兩個人在旺角好景商業中心食一品雞煲。我哋冇book枱，去到大概6點45分所以未算係好多人。大家記住唔好去到就禁飛然後坐響到等, 因為如果太早佢唔會開始用部機, 直接搵waiter就ok。一去到坐低就叫咗半隻嘅麻辣雞煲(小辣)。個雞煲係會預先響廚房煮咗少少, 然後再響自己個位加熱煮多大約15分鐘。呢間餐廳嘅麻辣雞煲有啲偏甜, 而我個人就好鐘意食。除咗雞煲我地仲叫咗青口,意想不到嘅新鮮!另外都叫咗魚皮餃, 就一般啦冇咩頭特別。跟住就係我至愛響鈴,總共有八條。新鮮炸出黎嘅響鈴配合麻辣湯底, 真係好好食!飲品方面我地就叫咗一榨竹蔗茅根同埋一杯超大嘅凍檸茶。兩個都好好飲同好大, 不過有少少偏甜。最後埋單大約二百幾蚊一個人 。 雖然話就話夏天, 不過食雞煲仍然係一個幾唔錯嘅選擇。